Personi i cili u qëllua me armë zjarri në Fier, ka humbur jetën.
Policia konfirmoi se viktima është Elton Javori, 41 vjeç, banues në Fier.
Krimi ndodhi rreth orës 11:00, në lagjen “16 prilli”.
Policia bëri me dije se 41-vjeçari u qëllua me armë zjarri. Ai u transportua për në spitalin rajonal, por nuk arriti të mbijetojë. Rrethanat e vrasjes mbeten ende të paqarta.
“Shërbimet e Policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij. Janë ngritur pika kontrolli në çdo aks rrugor, si dhe vijon intensivisht krehja e zonës. Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit”, thuhet më tej në njoftimin e bluve.
