Elton Javori, 41 vjeç, ka mbetur i vdekur ditën e sotme në Fier pasi u qëllua me armë zjarri në lagjen “16 prilli” .
Autor i krimit është shtetasi Agim Gashi, ndërsa policia po punon për lokalizimin dhe arrestimin e tij.
Mësohet se shkaqet e kësaj ngjarjeje të rëndë kanë të bëjnë me motive të dobëta, pasi autori dhe viktima Elton Javori mësohet se kishin lidhje krushqie.
Një prej fqinjëve të viktimës thotë se ai nuk ishte person problematik.
“E njoh pasi rritur me ta. Ky djali ka qenë i mrekullueshëm, i edukuar. Nga i erdhi Zoti e di. Nuk dëgjova krisma armësh. Sa dola nga shtëpia, dëgjova që u vra. Ky ka familjen këtu. Vëllezërit i ka në Gjermani. Djalë i shoqëruar”, shprehet ai.
