Klubi gjerman Bayern Munchen ka konfirmuar zyrtarisht marrëveshjen me klubin Granada për sulmuesin e talentuar spanjoll, Bryan Zaragoza.
Bavarezët kanë vepruar shpejt për të fituar shërbimet e yllit të Granadas, Zaragoza, i cili ka shënuar pesë gola dhe dy asistime në 14 ndeshje në La Liga.
Gjiganti gjerman ka konfirmuar se lojtari do të nënshkruar një kontratë pesëvjeçare dhe do t’i bashkohet klubit vetëm në sezonin e ardhshëm.
“Bryan Zaragoza do t’i bashkohet FC Bayern nga Granada për sezonin 2024-2025 pasi kampionët e Bundesligës arritën një marrëveshje me klubin spanjoll për sulmuesin. 22-vjeçari spanjoll do të nënshkruajë një kontratë pesëvjeçare deri më 30 qershor 2029”, thuhet në njoftimin e bavarezëve.
️
Alles wichtige über den 22-Jährigen, der zur kommenden Saison vom FC Granada zum FC Bayern wechseln wird, gibt es hier https://t.co/Z0JwHlDXUJ#MiaSanMia #FCBayern
— FC Bayern München (@FCBayern) December 6, 2023
