Megjithëse qeveria Rama është në prag të ligjit të ri që do të licensojë sërish bastet sportive, Policia e Tiranës mbrëmjen e sotme ka nisur një aksion në disa zona të Tiranës, kundër lojërave të fatit.
Sipas raportimeve në media thuhet se operacioni po zhvillohet me kontrolle të shumta, kryesisht në lokale ku dyshohet se ushtrohet në mënyrë të jashtëligjshme ky aktivitet.
Paraprakisht raportohet për 20 persona të shoqëruar. Pas verifikimeve të kryer, pritet të ketë arrestime të peronave që kanë kryer apo kanë krijuar logjistikë për të mundësuar këtë veprimtari.
