Një 43-vjeçar shqiptar, ka humbur jetën këtë të mërkurë në Itali. Ai u përfshi në një aksident rrugor tre ditë më parë në aksin Messina-Palermo, pranë zonës së quajtur Acquedolci, në Itali.
Pas aksidentit shqiptari është dërguar në spital në gjendje kritike për jetën, por pas tre ditësh luftë për jetën nuk ka mundur të mbijetojë.
Policia po vijon hetimet për të përcaktuar dinamikën e saktë të ngjarjes. Sipas asaj që shkruajnë mediat, furgoni ku udhëtonte shqiptari u përplas me një rimorkio të parkuar.
