Policia italiane ka vënë në pranga 4 shqiptarë nën akuzën e vjedhjes. Në prangat e policisë italiane kanë rënë shtetasit e moshës 30, 32, 34 dhe 41 vjeç, të cilët akuzohen për vjedhjen e 17 banesave.
Shqiptarët e arrestuar i kryenin veprat e tyre në Milano, Limbiate, Verdo dhe Paderno Dugnano.
Mediat italiane raportojnë se vjedhjet janë kryer gjatë periudhës 14-28 tetor.
Gjatë kontrollit fizik në banesën e tyre, policia gjeti makina, veshje që përdoreshin për vjedhje, para, ora dhe sende me vlerë.
