Sot në Hamburg, prej orës 18:00, do të hidhet shorti për grupet e “Euro 2024”, faza finale. Kuqezinjtë tanë janë në vazon e dytë të shortit dhe rrezikon një grup të vërtetë të vështirë, me së paku një gjigant të kontinentit si rival.
Edhe kampionët në fuqi të Europës pritet të bien në “grup ferri”, pasi do të shortohen nga vazoja e katërt. Pra, nuk pritet ta kenë aspak të lehtë për ta mbrojtur titullin e fituar në “Wembley”, dy vite më parë.
Shqipëria ndodhet në vazon e dytë së bashku me Hungarinë, Turqinë, Rumaninë, Danimarkën dhe Austrinë. Gjermania si ekipi pritës i Europianit ndodhet në vazon e parë dhe ekipet e tjera në atë vazo janë Portugalia, Franca, Spanja, Belgjika dhe Anglia. Në vazon e tretë ndodhen Holanda, Skocia, Kroacia, Sllovenia, Sllovakia dhe Çekia. Ndërsa vazo e katërt ende nuk është e plotësuar, pasi deri më tani janë të konfirmuar vetëm tre ekipe Italia, Serbia dhe Zvicra.
Tre ekipet e tjera do të përcaktohen nëpërmjet fazës Play – off, ku bëjnë pjesë 12 skuadra bazuar në performacën e tyre në Nations League. Skuadrat janë të ndara në tre grupe (A, B dhe C) dhe do të luajnë shanset e tyre në marsin e vitit 2024.
Tre fitueset e grupit do të plotësojnë edhe vazon e katërt. Europiani “Gjermani 2024” do të nisë më datë 14 qershor dhe do të ulë siparin me finalen e madhe në datë 14 korrik.
Gjermania si vendi pritës do të pozicionohet në Grupin A dhe do të luaj ndeshjen hapëse të Europianit. Përsa i përket formatit do të jetë i njëjtë si ai i “Euro2020”. Dy ekipet që pozicionohen të parat në Grup do të kualifikohen më tej në raundin e 1/16-ve, së bashku me katër ekipet më të mira që vijnë nga vendet e treta në grupe.
Më pas starton faza me eliminim direkt nga 1/16-tat në çerekfinalet e Europianit, gjysmëfinalet dhe finalja e madhe. Kampionati Europian 2024 do të luhet në disa qytete dhe stadiume të Gjermanisë.
Qytetet e fazës së grupeve
Grupi A: Këln dhe Shtutgart (+ ndeshja hapëse në Mynih)
Grupi B: Hamburg, Berlin, Dortmund, Dusseldorf, Gelsenkirchen, Leipzig
Grupi C: Këln, Frankfurt, Gelsenkirchen, Mynih, Shtutgart
Grupi D: Hamburg, Berlin, Dortmund, Dusseldorf, Leipzig
Grupi E: Këln, Dyseldorf, Frankfurt, Mynih, Shtutgart
Grupi F: Hamburg, Dortmund, Gelsenkirchen, Leipzig
Raundi i 1/8 finale
Dortmund
Berlin
Këln
Gelsenkirchen
Frankfurt
Dyseldorf
Mynih
Leipzig
Çerekfinalet
Shtutgart
Hamburg
Berlin
Dyseldorf
Gjysmëfinalet
Mynih
Dortmund
Finalja e madhe
Berlin
Programi i kuqezinjve
Kombëtarja jonë do të ketë mundësinë të luajë dy ndeshje miqësore në muajin mars, në fazën e definicionit, më pas grupi i lojtarëve që do të marrin pjesë në finalet e “Euro 2024” do të nisë grumbullimin nga fundi i majit deri në fillim të qershorit, pasi të kenë përfunduar aktivitetet e klubeve në nivel kombëtar.
Kujtojmë se finalet e Ligës së Europës, Ligës së Konferencave dhe Ligës së Kampionëve do të zhvillohen më 22, 29 maj dhe 1 qershor. Lista e lojtarëve të thirrur nga secila kombëtare duhet të zyrtarizohet brenda 7 ditëve nga fillimi i turneut (7 qershor).
Më poshtë të gjitha stadiumet dhe kapaciteti i tyre:
Berlin (Olympiastadion) – 70.000 vende
Mynih (Munich Football Arena) – 67.000 vende
Dortmund (BVB Stadion Dortmund) – 66.000 vende
Shtutgart (Stuttgart Arena) – 54.000 vende
Hamburg (Volksparkstadion Hamburg) – 50.000 vende
Gelshenkirshen (Arena AufSchalke) – 50.000 vende
Dyseldorf (Düsseldorf Arena) – 47.000 vende
Këln (Cologne Stadium) – 47.000 vende
Frankfurt (Frankfurt Arena) – 46.000 vende
Lajpzig (Leipzig Stadium) – 42.000 vende
