Një 51-vjeçar është arrestuar paraditen e sotme në Pukë, pasi ka goditur me sende të forta një 64-vjeçar.
Policia bën me dije se në pranga ka rënë Martin Ndrek Jaku, 51 vjeç, ndërsa i lënduari, shtetasi Pjetër Ndreka ndodhet në spital, nën kujdesin e mjekëve.
“Specialistët për Hetimin e Krimeve të Komisariatit të Policisë Pukë arrestuan në flagrancë shtetasin M. N., 51 vjeç, banues në fshatin Gojan i Madh, Pukë, pasi gjatë një konflikti ka goditur me sende të forta shtetasin P. N., 64 vjeç, banues në fshatin Gojan i Madh, Pukë, i cili është në spital, në kujdesin e mjekëve.”- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
