Kreu i Partisë Demokratike, Sali Berisha ka deklaruar se nuk ka një vendim që protestat e opozitës të nisin më datën 8 dhjetor, por theksoi se në momentin që do të nisin, do të jenë pa kthim.
Berisha u shpreh se protestat nuk do të jenë të zakonshme, por do të kenë formën e mosbindjes civile.
Protestë më 8 Dhjetor? “Nuk është marrë një vendim të tillë, por protestat kur të fillojnë nuk do ndalojnë. Beteja pa kthim, që do të thotë nuk do ndalojnë. Nuk do jenë protesta të zakonshme, do jenë protesta të mosbindjes civile që Shqipëria nuk ka njohur deri në sot”, tha Berisha.
Lideri demokrat tha se janë qytetarët që do të thonë fjalën e tyre, duke theksuar se revolta po vlon në shpirtin e çdo shqiptari.
