27-vjeçari shqiptar, i cili një vit më parë aksidentoi për vdekje një 21-vjeçare greke në Selanik, është shfaqur i penduar në seancën gjyqësore. I riu shqiptar akuzohet për veprën penale të drejtimi të mjetit me pasojë vdekjen e vajzës së re.
Para togave të zeza ai ka deklaruar se Ema, vajza që humbi jetën “i ka dalë përpara në makinë”. Edhe pse ka frenuar, ai është shprehur se “nuk ka mundur që të shmangë ngjarjen e rëndë”.
“Më vjen keq për atë që ndodhi”, tha ai duke kërkuar falje dhe përshkroi se kishte ardhur në Greqi nga Shqipëria 13 vite më parë, nuk kishte dokumente të ligjshme qëndrimi, as patentë shoferi, shkruan Protothema.
“Ajo doli papritur në rrugë dhe nuk pata kohë ta shoh. Unë po ecja më 55 km/h. E pashë për dy sekonda, shtypa frenat, ktheva timonin për ta shmangur”, tha ai.
