Një shqiptar është arrestuar në Pobla de Vallbona të Spanjës, pasi një fqinj e pikasi teksa ikte me kasafortë në duar.
Ai zbriti nga fasada e një ndërtese dhe vrapoi nëpër rrugët e qytetit, por u arrestua menjëherë nga policia pas një ndjekjeje.
Ishte një fqinj që u ngjit në tarracën e shtëpisë së tij pasi dëgjoi zhurma që ngjallën dyshime dhe pa hajdutët duke ikur. Njëri nga ta hodhi në rrugë kasafortën që mbante dhe vazhdoi arratisjen.
Pasi u njoftuan për rastin, dy patrulla policie kanë shkuar në vendngjarje dhe një nga agjentët më pas filloi një ndjekje, duke vrapuar nëpër rrugët e Pobla de Vallbona, ndërsa oficerët e tjerë të policisë u përpoqën të bllokonin rrugën e hajutit me makinat e tyre të patrullës.
Pak minuta më vonë, agjentët kapën dhe ndaluan hajdutin në rrugën Cervantes pas një përleshje mes tyre. Hajduti ka bërë rezistencë të fortë dhe ka shtyrë efektivët e policisë, por është nënshtruar dhe i janë vendosur prangat.
Pasi e kontrolluan, agjentët sekuestruan dy unaza argjendi që ai sapo kishte vjedhur nga një shtëpi. Ata gjetën edhe kasafortën dhe ia dorëzuan pronarit të saj. Të paktën dy hajdutë të tjerë arritën të arratiseshin pasi iu shmangën kordonit të policisë.
Policia lokale e çoi shqiptarin në selinë e Gardës Civile të Pobla de Vallbona, e cila mori përsipër hetimet. I arrestuari, 27 vjeç, i përket një bande udhëtuese të specializuar për grabitje banesash. Një firmë ligjore e Barcelonës mori përsipër mbrojtjen e tij menjëherë pasi ai u arrestua, sipas burimeve.
