Azili i të moshuarve në Fier është përfshirë nga flakët pasditen e kësaj të mërkure.
Shkak për zjarrin dyshohet paraprakisht të jetë bërë një shkëndijë elektrike, ndërsa mësohet se disa të moshuar janë asfiksuar dhe janë nisur me urgjencë drejt spitalit për ndihmë mjekësore.
“Rreth orës 15:30 në shtëpinë e të moshuarëve Fier, në katin e dytë, ka rënë zjarr.
Shërbimet e Policisë dhe shërbimet zjarrëfikëse ndodhen në vendngjarje dhe po punojnë për fikjen e zjarrit.
Të gjithë të moshuarit janë evakuuar dhe disa prej tyre janë dërguar në spital për asistencë mjekësore pasi nuk janë ndjerë mirë për shkak të tymit.”,- njofton Policia.
