Deputeti i Partisë Demokratike, Ervin Salianji, ka publikuar pasditen e kësaj të marte një video mesazh nga Parlamenti Europian.
Në një postim në rrjete sociale, Salianji shprehet se në këtë parlament mesazhi më i rëndësishëm që përçohet dhe kërkesa më e rëndësishme që ne kemi është forcimi i institucioneve. Ai shton se thelbi i demokracisë është balanca e institucioneve dhe jo përqëndrimi i tyre në vullnetin e një njeriu të vetëm.
Salianji: “Në Parlamentin Euriopian mesazhi më i rëndësishëm që përçohet dhe kërkesa më e rëndësishme që ne kemi është forcimi i institucioneve, padiskutim, monitorimi më i rreptë për të pasur forcë të tillë të institucioneve që tejkalojnë vullnetin dhe forcën e individit që për fat të keq, në Shqipëri është përqëndruar në vullnetin e një njeriu të vetëm.
Balanca e institucioneve, kontrolli i institucioneve ndaj njëri tjetrit, është thelbi i funksionimit të demokracisë.
Këtë kërkojmë prej kohësh, kjo është mbështetja që po kërkojmë në çdo institucion”.
