Ekspert i energjetikës, Azmer Duleviç ka folur për situatën në Rrugën e Arbrit ku ditën e shtunë u bllokuan rreth 300 persona në Qafë Murriz për shkak të motit të keq.
Shoferë, fëmijë, gra dhe të moshuar mbetën të izoluar në automjetet e tyre për gati 7 orë për shkak se në terren mungonin borëpastrueset kurse autoritet neglizhuan situatën kaotike.
Megjithëse acari dhe i ftohti polar ishte paralajmëruar prej disa ditësh nga meteorologet, edhe këtë herë autoritete lokale kanë qëndruar “duarkryq” duke mos bërë asgjë për të normalizuar situatën.
“Ky është një skandal, është e papranueshme. Jemi në 2023. Qytetarët, fëmijët pleqtë mbesin me orë të tëra në të ftoftë në rrugën e Arbrit, Kjo është një papërgjegjshmëri nga ana e institucioneve. Unë nuk e kuptoj në momentin që ndodhi ministrja ishte e përgatitur shumë mirë edhe më kamerat me vete, dhe nuk e kuptoj çdo ministrja ne mes të rrugës kur qytetarët bllokohen dhe ajo thjesht bën propagandë. Patjetër është faji i institucioneve. Nëse ju kujtohet janë hedhur qysh janarin e vitit të kaluar edhe dy satelitë që kanë kushtuar 6.6 milionë dollarë ku është informacioni që do parandaloheshin këto katastrofa. Do të thotë që 6.6 milionë dollarë kanë shkuar kot. Mund të kishin shkuar me mirë për Emergjencat Civile. Sepse janë vetëm 110 borëpastruese. Disa janë kamionë të komunales që zhvendosin borën. Ky është skandal tjetër që nuk kemi mjete ne rastin e emergjencave.Rruga e Arbrit ka kushtuar mbi 400 miliardë lekë. Dhe vetëm merr para nga taksat e qytetarëve, dhe është akoma e pasigurte, nuk i plotëson standardet nuk ka sinjalistikë…”, tha Duleviç per syri tv.
