Derbi i Italisë përfundoi në barazim 1-1, duke mos ndryshuar vendet e Inter dhe Juventus në renditjen e Serie A. Në ndeshjen e luajtur të dielën në Torino fillimisht shënoi Vlahovic për vendasit, ndërsa pak minuta më vonë, Lautaro Martinez realizoi për miqtë. Të dy trajnerët u shprehën të kënaqur në fund të sfidës për pikën e marrë
“Skuadra bëri një paraqitje të mirë dhe nuk ishte e lehtë. Juventus nuk luante për vendin e parë prej 3 vitesh. Të qëndrojmë 2 pikë larg Inter është një arritje. Të mos humbisnim ishte më e rëndësishme se të fitonim”, tha Massimiliano Allegri.
“Ishim të përqendruar dhe u treguam të zotë që barazuam edhe pse gabuam në golin e pësuar. Gjatë pjesës së dytë krijuam shumë raste, por ashtu siç shkoi ta pranojmë këtë rezultat që para takimit nuk do të firmosja”, deklaroi Filippo Inzaghi.
Si Inter dhe Juventus kanë vetëm 1 humbje në 13 javët e para të kampionatit e shkaktuar nga e njëjta skuadër, Sassuolo. Zikaltërit e kanë fituar titullin e fundit kampion në 2021, ndërsa bardhezinjtë në 2020.
