Një prift 68-vjeçar është arrestuar në Greqi, pasi akuzohet se ka kryer akte seksuale me një të mitur që nuk kishte mbushur 12 vjeçe. Siç rezultoi nga hetimi i policisë, prifti 68-vjeçar ka qenë i njohur i babait të të miturës dhe duke përfituar nga njohja e tyre, ka vizituar shtëpinë e familjes kur prindërit nuk ndodheshin aty dhe ka kryer vazhdimisht akte seksuale.
Mediat e huaja shkruajnë se kjo nuk është hera e parë që 68-vjeçari përfshihet në raste të tilla, pasi në të kaluarën është akuzuar për krime të ngjashme. Në veçanti, ai kishte shqetësuar autoritetet edhe në vitin 2018 për akte seksuale ndaj një djali 13-vjeçar. Sipas policisë, urdhër-arresti është lëshuar në bazë të dosjes dhe kallëzimit të paraqitur muajin e kaluar, sipas të cilit në një kohë të pacaktuar gjatë periudhës janar-qershor të këtij viti, i akuzuari ka kryer aktet.
Prifti është dërguar në Prokurorinë e Pireut, për veprime të mëtejshme proceduriale.
