Një aksident me vdekje ka ndodhur në aksin Laç-Patok.
Një person, ende i paidentifikuar, ka humbur jetën, pasi është përplasur nga dy automjete.
“Rreth orës 19:30, në aksin rrugor Laç-Patok, në afërsi të “Mbikalimi i Patokut”, shtetasi F. M. duke drejtuar automjetin e tij ka përplasur një shtetas këmbësor, akoma i paidentifikuar. Menjëherë pas përplasjes së parë, këmbësori është përplasur edhe nga një mjet tjetër që drejtohej nga shtetasi D.P. Si pasojë e plagëve të marra nga përplasjet, shtetasi këmbësor ka humbur jetën”, njoftoi policia.
Të dy drejtuesit e mjeteve janë shoqëruar në ambientet e Policisë për veprime të mëtejshme hetimore procedurale, ndërsa grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit, shtuan të njëjtat burime.
