Barcelona nuk shkoi më shumë se barazimi 1-1 në Madrid përballë Rayo Vallecanos.
Kampionët evituan humbjen falë një autogoli tetë minuta nga fundi.
Skuadra e Ivan Balliut, titullar si gjithmonë në linjën e djathtë, shënoi një eurogol në minutën e 39-të.
Unai Lopez befasoi gjermanin Inaki Penan me një goditje potente nga larg, duke ndezur festën në “Campo de Futbol de Vallecas”.
Mbrojtësi i kombëtares shqiptare pretendoi për një penallti në minutën e 14-të pas kontaktit me Ferran Torres, por kryesori vijoi lojën.
Skuadra e Xavit ushtroi presion gjatë pjesës së dytë dhe gjeti golin e barazimit falë autogolit të francezit Lejeune (82′).
Katalanasit regjistruan ndeshjen e tretë radhazi pa fitore në “Campo de Futbol de Vallecas”, duke mbetur në vendin e tretë në La Liga.
