Një aksident i rëndë ka ndodhur mëngjesin e kësaj të shtune në Sarandë ku një 34-vjeçar ka humbur jetën. Ngjarja ka ndodhur në hyrje të qytetit.
Mësohet se 34-vjeçari Arlin Qendro ka humbur kontrollin e mejtit dhe është përplasur me një bordurë dhe për pasojë ka gjetur vdekjen.
Pas njoftimit nga një qytetar i rastit ka shkuar ambulanca dhe 34-vjeçari është transportuar në urgjencën e spitalit, ku është konfirmuar vdekja e tij. Mësohet se 34-vjeçari ndodhej i vetëm në mjetin e tij.
Shërbimet e qarkullimit rrugor të Sarandës kanë shkuar në vendngjarje ndërsa ende nuk është bërë e ditur se cili ka qenë shkaku i këtij aksidenti të rëndë.
