Kryeministri Edi Rama foli për akuzt e Sali Berisha gjatë një konference për mediat këtë të premte.
Më herët gjatë ditës, kreu i PD Berisha denoncoi se Rama, me anë të disa vendimeve qeverie, i ka falur botuesit Karlo Bolino përmes qirasë simbolike një sipërfaqeje toke e destinuar për shkollë te “Rruga Ndre Mjeda”, ku më pas u ngritën redaksitë e mediave të tij.
Në përgjigje, Rama tha se akuzat janë sipas tij pa bazë. Ndërsa vendimet e qeverisë në favor të Boliës i cilësoi “proces rutinë”.
“Është një akuzë pa asnjë bazë fare. Nuk ka asnjë bazë. Është procedura më rutinë e ndjekur si shumë e shumë raste të tjera kur është fjala për ngrehina të rrënuara që jepen për tu përdorur për një sipërmarrje. Asnjë gjë tjetër nuk ka këtu. Gjithë të tjerat janë fantazira”, u shpreh Rama në përgjigje të interesit të gazetarëve.
Lexo edhe:
Denoncimi me dokumente: Si Rama i fali Karlo Bolinos tokën e destinuar për shkollë
