Tirana ka arritur fitore të çmendur kundër Kukësit me rezultatin 3 me 2.
Bardheblutë e panë veten të përmbysur 1 me 2, para se ata të realizonin “remontadan” në 3 me 2.
Trajneri i bardhebluve Julian Ahmataj është prononcuar për mikrofonin e MCN në përfundim të sfidës teksa u shpreh se ky ishte një rezultat i arritur falë shpirtit të garës së skuadrës.
Fitore e rëndësishme në fund, Tirana mund ta zgjidhte më lehtë?
Ndeshjet kanë intrigat e veta. Tiranës i duhej kjo fitore për të nxjerrë egërsinë dhe zjarrin brenda vetes. Tiranës i duhet ky shpirt gare që bëri të mundur edhe fitoren.
Fitore e vështirë. Më bëri përshtypje kontrolli i topit dhe pastaj vetëm episodet dhanë një fitore.
Duhet më shumë përqëndrim që dhe në momentet që flisni, lojtarët nuk duhet të heqin dorë nga qarkullimi i topit.
A mendon se kjo Tiranë është në valle për final 4?
Kjo nuk është vënë asnjëherë në dyshim. Përvec ngërçit psikologjit, kemi vuajtur dëmtimet. Sot e patëm arsenalin e plotë.
A mendon që Patrick ndryshoi mesfushën?
Patrick është i lirshëm kur luan dhe pa presion, nuk i kërkohet përgjegjësi. Të tjerët bëjnë gabime shumë të thjeshta.
Do tentojë Tirana të paktën të rrëzojë 1 nga 2 vendet e para?
Tirana gjithmonë do jetë pretendente, siç ka qenë dhe kështu do mundohet.
