Policia e Sarandës në bashkëpunim me atë të Gjirokastrës kanë arrestuar një 17-vjeçar nga Librazhdi, me precedent të mëparshëm penal.
Raportohet se adoleshenti kishte grabitur një automjet në fshatin Mulsi të Konispolin, por është kapur nga p[olicia e Gjirokastrës, bashkë me automjetin e grabitur, teksa nuk kishte as leje drejtimi. Në pranga është vënë shtetasi E. B., 17 vjeç, banues në Librazhd, me precedent të mëparshëm kriminal në fushën e vjedhjeve.
Nga verifikimet e kryera ka rezultuar se 17-vjeçari ishte shpallur në kërkim dhe nga Policia e Elbasanit, si bashkëpunëtor në një vjedhje të kryer në një banesë në Elbasan, më datë 15.11.2023. Policia njofton se vijon puna për zbardhjen e vjedhjeve të tjera që mund të jenë kryer nga ky shtetas.
Materialet procedurale i kaluan Prokurorisë, për veprime të mëtejshme, për veprat penale “Vjedhja” dhe “Drejtimi i automjetit në mënyrë të parregullt”.
