Kanë përfunduar ndeshjet e kombëtares dhe tashmë vëmendja do të përqendrohet në kampionat, ku skuadrat do të duhet të luajnë sfidat e javës së 13-të. Partizani do të duelojë në transfertë me Egnatian, sfidë e ndërprerë për shkak të tragjedisë me Raphael Dwamenan.
Kjo përballje është ndërpre në minutën e 24-të dhe tashmë do të riluhet, me demat që do të kërkojnë fitoren për të qenë ata lider të vetëm të Superiores. Arbër Abilaliaj vetëm dy ditë më parë u konfirmua si trajner i të kuqve dhe tashmë për duelin me rrogozhinasit do të ketë dy rikthime të rëndësishme.
Cristian Mba dhe Andi Hadroj kanë lënë prapa dëmtimin dhe tashmë do të jenë një vlerë e shtuar për kryeqytetasit në ndeshjet e ardhshme. Të dy titullarët do të llogaritet për duelin e radhës dhe tashmë për Abilaliaj nisin edhe “hallet” e luksit që do ta ketë të ëvshtirë të zgjedhi 11-dhen më të mirë.
