Seanca e sotme plenare në Kuvend, e cila zgjati rreth 5 minuta, u shoqërua me tensione, përplasje fizike mes deputetëve dhe gardës si dhe hedhje tymuesesh e flakadanë.
Një prej flakadanëve shpërtheu në tryezën e deputetëve, duke bërë që pajisja folëse dhe disa sende të tjera të përfshiheshin nga flakët. Në përfundim të seancës, pasi deputetët jan nga Parlamenti, mësohet se në sallë kanë mbërritur punonjësit e BKH-së (Byrosë Kombëtare të Hetimit).
Këta të fundit nisën të kqyrnin nga afër vendin e ngjarjes, që u përfshi nga flakët.
Ndërkohë, kryetarja e Kuvendit, Lindita Nikolla, miratoi në parim mes tymit dhe flakës buxhetin për vitin 2024. Projekligjet morën miratimin e 73 ligjëvënsve socialistë dhe menjëherë pas kësaj, Nikolla urdhëroi mbylljen e seancës plenare.
