Janë zbardhur detaje të reja nga urdhër-arrestet e lëshuara ditën e sotme nga SPAK, ku janë arrestuar 11 persona, mes tyre dhe ish-nëndrejtori i Policisë, Erzen Breçani.
Burime bëjnë me dije se në pranga është vënë dhe Eralbi Breçani, një prej djemve të Erzen Breçanit, si dhe shefi i krimeve të komisariatit nr.6 Dedan Gjoni.
Po të njëjtat burime bëjnë me dije se akuzat për 11 të ndaluarit janë, pastrim parash, grup i strukturat kriminal, trafik droge, sigurim kushtesh për të kryer vrasje, shpërdorim detyre dhe përkrahje e autorit të krimit. 11 urdhër-arrestet janë lëshuar si rrjedhojë e zbërthimit të bisedave në aplikacionin “Sky-Ecc”.
Pritet të dhëna zyrtare për këtë operacion që është në zhvillim e sipër në bashkëpunim me Prokurorinë e Posaçme.
