Italia e ka kaluar frikën dhe makthin “Maqedoni e Veriut”, e cila e la jashtë Botërorit, “Katar 2022” dhe tani është më shumë se gati për të prerë biletën drejt Gjermanisë, verën e ardhshme.
Në sfidën e fundit do të duelojnë me Ukrainën, kombëtaren që ndan vendin e dytë, por që “axurrët” kanë në favorin e tyre duelin direkt të fituar 2-1 në “San Siro”, në duelin e vajtjes.
Dhe kjo bën që të hënën në mbrëmje, në fushën e Leverkusenit të Gjermanisë, Italia jo vetëm që ka shansin të mbyllë llogaritë, por pse jo të testojë një nga terrenet që mund të shkelë në Europian.
Dhe madje, ndaj Ukrainës ka në dispozicion 2 nga 3 rezultatet e mundshme, pasi ndaj tyre, për t’u kualifikuar, mund të mjaftojë edhe një barazim për italianët.
