Një shofere 27-vjeçare është vënë nën hetim nga Policia e Elbasanit, pasi ka ka përplasur me automjet një karrocë me fëmijë 1 vjeçe.
“Specialistët e Qarkullimit Rrugor referuan materialet në Prokurori ku nisi procedimi në gjendje të lirë për shtetasen L. Z., 27 vjeçe, banuese në Elbasan, pasi pasditen e djeshme, në lagjen “Haxhias”, automjeti që drejtohej nga kjo shtetase ka përplasur lehtë një karrocë me fëmijë 1 vjeçe.” thuhet në njoftimin e bluve të Elbasanit.
Në momentin e aksidentit, 1 vjeçarja me karrocë shoqërohej nga nëna e saj. Fëmija, pasi mori mjekim në spital, është dërguar në banesë.
