Një zjarr ka rënë paraditen e kësaj të enjteje në një apartament në një pallat në Yzberisht. Zjarri ka rënë në ballkonin e një apartamenti në katin e gjashtë.
Shërbimi zjarrfikës ka shkuar menjëherë në vendngjarje për të neutralizuar flakët.
Fatmirësisht zjarri është arritur të fiket dhe nuk raportohet për persona të lënduar, pasi në momentin e rënies së flakëve në objekt nuk ka pasur njeri në banesë.
Ende nuk dihet shkaku i zjarrit, ndërkohë që është mësuar se apartamenti në fjalë është në pronësi të një shtetasi turk.
Policia po punon për zbardhjen e plotë të rrethanave të ngjarjes.
