Kanë nisur dhimbjet e kokës për trajnerin Simone Inzagi. Pas Bastonit dhe Çalhanoglusë, një tjetër zikaltër ka pësuar dëmtim në këtë ndalesë për shkak të angazhimit të ekipeve kombëtare. Bëhet fjalë për Marko Arnautoviç.
Gjatë ndeshjes së sotme ndaj Estonisë, sulmuesi austriak i Interit, ka rënë në tokë pas një përplasjeje me një lojtar kundërshtar. Aranautoviç ishte aktivizuar në fillim të pjesës së dytë në vend të Laimer, në ndeshjen nëntë kualifikiuese për Euro 2024.
Arnautoviç pësoi dëmtimin rreth minutës së 86-të, por gjithsesi zgjodhi të shtrëngojë dhëmbët, për të vazhduar takimin deri në fund. Mbetet të shihet shkalla e lëndimit, ndërsa ekziston besimi se nuk kemi të bëjmë me asgjë serioze. Vlen të theksohet se 34-vjeçari vjen pas një dëmtimi që e mbajti jashtë fushave për disa javë. Me kombëtaren e Austrisë, Aranautoviç i lindur në Vienë numëron mbi 100 ndeshje zyrtare.
