Janë publikuar pamjet nga aksidenti me vdekje që ndodhi mbrëmjen e kësaj të enjte në aksin rrugor “Gosë-Vilë Bashtovë”, në Kavajë.
Një 28 vjeçar gjeti vdekjen pasi humbi kontrollin mbi drejtimin e automjetit dhe përfundoi në një kanal.
“Në aksin rrugor “Gosë-Vilë Bashtovë”, shtetasi B. Th., 28 vjeç, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga dhe ka rënë në kanal. Nga aksidenti ka humbur jetën 28-vjeçari,- njoftoi më herët policia.
Siç mund të shihet dhe në pamjet e mëposhtme, automjeti është copëtuar në pjesën e përparme.
Grupi hetimor ndodhet në vendngjarje dhe po punon për sqarimin e rrethanave të aksidentit.
