Ish-deputeti, Lefter Maliqi ka shpërthyer me kritika ndaj kreut të KQZ-së, Ilirian Celibashit i cili ditën e sotme “fali” kryebashkiakun e Kuçovës Kreshnik Hajdarin, i cili ka fshehur në formularin e “dekriminalizimit” një dënim të tij në Greqi.
Pavarësisht shkeljeve ligjore, Celibashiit nuk i kanë mjaftuar dhe ka legjitimuar mandatin e kryebashkiakut socialist i cili rezulton i dënuar me 4 muaj burgim nga Gjykata e Janinës në vitin 1999, për shkelje të paligjshme të kufirit.
Duke iu referuar vendimit skandaloz të KQZ-së, Maliqi tha se “Celibashi u soll si konkubina e Salillarit“, madje ai u bën thirrje qytetarëve që të reagojnë për të mbrojtur demokracinë dhe votën në Shqipëri.
“Celibashi konkubin i Oligarkut Salillari! Përfundimisht jemi në diktaturë! Drejtësia, instutucionet janë të kapura! Nuk njohin as ligj as Kushtetutë. Oligarkët, mafia, bandat bëjnë ligjin. Besim në Zot dhe vetëm përpara, në çdo betejë e sfidë kundër kësaj mafie shtetërore! E drejta po vonon por do triumfojë! Të mbrojmë demokracinë, votën e lirë, vendin nga krimi dhe shpopullimi, kapjen e drejtësisë nga Narkoshteti me çdo çmim! Qesh mirë kush qesh i fundit!”, shkruan Maliqi.
Rikujtojmë që ditën e sotme ish-deputeti Lefter Maliqi ishte sërish në SPAK për të kryer kallëzime të reja ndaj kryebashkiakut aktual të Kuçovës, Kreshnik Hajdarit.
Pavarësisht kallëzimeve të njëpasnjëshme nga opozita dhe shkeljeve të ligjit me të “dyja këmbët”, Kreshnik Hajdarit vijon i pashqetësuar punën e tij, kurse SPAK-u “hesht” megjithëse dosjet voluminoze me kallëzime “flenë” mbi tavolinat e Prokurorisë së Posaçme.
