Milot Rashica ka ndezur shpresat për kualifikim tek Kosova, pas fitores së regjistruar ndaj Izraelit.
Dardanët triumfuan pas golit të shënuar nga sulmuesi i Besiktasit, por e dominuan plotësisht takimin. Me shumë mungesa në formacion mes tyre dhe mbrojtësi Rrahmani, por njëmbëdhjetëshja e Primoz Glihës funksionoi në mënyrë perfekte, duke mos e ndjerë boshllekun e lënë prej tyre.
3 futbollistë të kampionatit vendës e nisën si startues, duke u paraqitur pozitivisht, teksa goli i sfidës erdhi në minutën e 41’, aty ku Muriqi asistoi bukur për Rashicën me këtë të fundit që në ballafaqimin me porterin e ndali sferën në rrjetë. Rastet në vijim ishin të shumta, ku dardanët mund të shënonin dhe 2-3 gola të tjerë, por rezultuan të pasaktë.
Me këtë fitore, Kosova shkon në kuotën e 10 pikëve, në vendin e katërt, ndërsa përpara renditen Izraeli me 11, Zvicra me 15 dhe rumunët udhëheqin me 16 pikë. Dardanët kanë dhe dy ndeshje në dispozicion, ndaj Zvicrës e më pas ndaj Bjellorusisë, ku nëse i fito ntë dyja përballjet shkon në 16 pikë. Helvetët kanë 3 përballje të mbetura, e vetëm dështimet njëpasnjë të tyre do të bënin që Kosova të ngjitej e dyta, pasi rezultatet në ndeshjet direkt me Rumaninë, janë penalizuese.
