Bashkimi Evropian bëri thirrje për pauzë të menjëhershme në Rripin e Gazës për të krijuar korridore humanitare, ndërsa Hamasi të lirojë menjëherë të gjithë pengjet.
Në një deklaratë nga komisioneri i lartë i BE-së sot, koalicioni i shteteve europiane tha se është seriozisht i shqetësuar për krizën humanitare që vazhdon të shpaloset në Gaza.
“Këto armiqësi po prekin rëndë spitalet dhe po marrin një numër të tmerrshëm civilësh dhe stafin mjekësor”, thuhet në deklaratë.
Në deklaratë thuhet se BE dënon përdorimin e civilëve dhe spitaleve si mburoja, siç është akuzuar Hamasi, dhe i kërkoi Izraelit të ushtrojë përmbajtje maksimale për të mbrojtur jetët e civilëve. Situata në spitalin Al Shifa është tejet e vështirë, sipas raportimeve që vijnë nga mediat e huaja. Spitali është i rrethuar tanket izraelite, ndërsa stafi mjekësor ka bërë me dije se është jashtë funksionit. Izraeli ka ofruar karburant që pajisjet të vihen në punë, por Hamasi e ka refuzuar.
