Ngjarja e rëndë që ka ndodhur sot në Rrogozhinë në ndeshjen mes Egnatias dhe Partizanit, ku humbi jetën pas kolapsit Rafael Dwamena, ka pasur një impakt të gjerë në opinionin sportiv shqiptar duke sjellë reagime të shumta.
Atyre u është bashkuar sot edhe trajneri i kombëtares shqiptare, Silvinjo.
Trajneri është i pranishëm në vendin tonë pasi nis këtë fundjavë grumbullimin e kuqezinjve për ndeshjet kualifikuese të Euro 2024.
Por ai ka qenë vazhdimisht i pranishëm në ndeshjet e futbollit shqiptar dhe njeh mirë kampionatin tonë.
“Prehu në paqe. Ngushëllime familjes dhe miqve”, shkruan trajneri i Kombëtares shqiptare të futbollit në rrjetet sociale.
