Shkencëtarët paralajmërojnë se pandemia e radhës e konsideruar “E madhja” mund të jetë sëmundja më ngjitëse dhe më vdekjeprurëse që ka njohur njerëzimi.
Shkencëtarët po japin alarmin për potencialin e pandemisë së ardhshme, e cila në mënyrë ogurzezë quhet “E Madhja”. Ky kërcënim i mundshëm besohet të jetë i lidhur me paramiksoviruset, një familje virusesh që përfshin patogjenë të njohur si fruthi, shytat dhe infeksionet e traktit respirator.
Instituti Kombëtar i Alergjisë dhe Sëmundjeve Infektive në Angli ka shtuar së fundmi këtë familje virusesh në listën e patogjenëve pandemikë për ta monitoruar nga afër. Shqetësues është virusi Nipah brenda familjes së paramiksoviruseve, i cili ka një shkallë vdekshmërie deri në 75%, duke tejkaluar vdekshmërinë e COVID-19, i cili ka një shkallë shumë më të ulët vdekshmërie.
Virusi Nipah shquhet për aftësinë e tij për të infektuar qelizat me receptorë që rregullojnë atë që hyn ose del nga qelizat që rrethojnë sistemin nervor qendror dhe organet jetësore. Ndryshe nga gripi dhe COVID-19, paramiksoviruset duket se janë më pak të prirë ndaj mutacioneve, duke i bërë ata ndërrues më të ngadaltë të formës, por ata kanë rezultuar shumë efikasë në transmetimin nga njeriu te njeriu. Frika është se një paramiksovirus mund të shfaqet me ngjitshmërinë e fruthit dhe vdekshmërinë e Nipahut, duke paraqitur një kërcënim të frikshëm dhe potencialisht shkatërrues.
Studiuesit theksojnë nevojën urgjente për një të kuptuar më të mirë të këtyre viruseve dhe përmirësimin e gatishmërisë ndaj pandemisë.
