Atalanta po përballet me austriakët e Sturm Graz në Bergamo, takim i vlefshëm për grupet e Europa League.
Italianët kanë shënuar golin e avantazhit në minutën e 50-të dhe autor është lojtari i Kombëtares, Berat Gjimshiti.
Edhe pse mbrojtës, Gjimshiti nuhat golin mjaft mirë dhe gjendjet në vendin e duhur në kohën e duhur për të dërguar topin në fundin e rrjetës.
Një gol që “ndez zjarr” kapitenin përpara grumbullimit me Kombëtaren shqiptare për ndeshjet e nëntorit ku do të udhëheqë Shqipërinë drejt suksesit historik përballë Moldavisë dhe Ishujve Faroe.
