Takimet e orës 18:45 në Conference League kanë dhuruar rezultatet interesante.
Legia e Varshvës, ku luajnë edhe dy futbollistë shqiptarë, Ernest Muçi dhe Jurgen Çelhaka ka fituar me lehtësi ndaj Zrinjskit.
Të dy ish-lojtarët e Tiranës e nisën titullar takimin. Çelhaka u zëvendësua në minutën e 64-t, ndërsa Muçi luajti 84 minuta dhe u përfshi te aksioni i golit të parë.
Polakëve u ka mjaftuar vetëm pjesa e parë për të mposhtur boshnjakët 2-0. Me këtë fitore Legia është ngjitur në vendin e parë në grupin E me 9 pikë dhe pret përfundimin e ndeshjes së Aston Vilës me AZ Alkmar.
Në grupin C, Viktoria Plzen ka fituar në shifrat 1-0 ndaj Dinamos së Zagrebit dhe çekët janë automatikisht të kualifikuar, pasi kanë pikët e plota 12 në Grupin C. Me këtë sukses Plzen i bën nder Ballkanit të Dajës, pasi lufta për vendin e dytë mbetet e hapur.
Astana dhe Ballkani vijnë me nga 4 pikë pas Plzenit, ndërsa Dinamo Zagreb mbyll grupin me 3 pikë.
Besiktas u mund në shtëpi nga Bodo/Glimt. Me këtë humbje Beshiktashi i Milot Rashicës i ka “larë duart” me Ligën e Konferencës për këtë sezon.
Në grupin G PAOK dhe Eintraht Frankfurt kanë arritur kualifikimin që në këtë fazë, kur kanë edhe dy ndeshje për të luajtur.
Rezultatet:
