Ish-kyeministri, Sali Berisha, ka folur këtë të enjte pak para nisjes së seancës plenare në Kuvend.
Në një lidhje live në fb, Berisha shprehet se Rama nuk pranon ngritjen e Komisioneve Parlamentare sepse është i përfshirë në afera.
“Familjarët e tij janë vërsulur pas tenderave për t’u pasuruar në kurriz tuaj. Rama nuk pranon dot Komisionet Parlamentare se është i inkriminuar. E pret fati i McGonigal”, shprehet ndër të tjera Berisha.
Edhe këtë të enjte, deputetët e opozitës kanë bllokuar sërish seancën, e cila ende nuk ka nisur. Ata kanë kthyer karriget përmbys duke mos lejuar zhvillimin e seancës në normalitet.
