Opozita ka vijuar sërish sot me aksionin e bllokimit të seancës parlamentare ku kanë grumbulluar karriget e Kuvendit para foltores.
Kryedemokrati Sali Berisha, teksa fliste live në Facebook nga Kuvendi, ka debatuar me ministrin Taulant Balla.
“Kur flas unë pusho! Pusho të thashë. Ky është hajduti që vodhi të dhënat e TIMS-it. Të jesh i bindur që Komisioni do ndërtohet.”- iu drejtua Berisha-Ballës.
Deputetët demokratë janë angazhuar në bllokimin e punimeve të Kuvendit pasi shprehen se të drejtat e tyre po shtypen nga mazhoranca. Sipas opozitës, në mënyrë antikushtetuese, PS po pengon ngritjen e komisioneve hetimore të kërkuara nga PD si dhe po tenton të ‘përcaktojë’ opozitën duke refuzuar ndryshimet në komisionin e posaçëm të reformës zgjedhore.
