Një aksident ka ndodhur mbrëmjen e së enjtes në afërsi të Kopshtit Zoologjik në Tiranë.
Sipas informacioneve paraprake, një makinë tip “Mercedes Benz” është përfshirë në aksident dhe ka pësuar dëme të konsiderueshme.
Raportohet se si pasojë e aksidentit ka mbetur i plagosur një shtetas. Policia dhe ambulanca kanë mbërritur tashmë në vendngjarje.
Kujtojmë që një ditë më parë një tjetër aksident po pranë Kopshtit Zoologjik i mori jetën një 29-vjeçari i cili ishte student i Akademisë së Sigurisë.
