Kryetari i Partisë së Lirisë, njëherësh dhe ish-President i Republikës, Ilir Meta është paraqitur mëngjesin e kësaj të mërkure në dyert e strukturës së Posaçme Kundër Krimit të Organizuar dhe Korrupsionit.
Në një prononcim për mediat, pak para se të hynte në ambientet e SPAK, Meta tha se është thirrur për çështjen ÇEZ-DIA.
“Për telenovelën ÇEZ-DIA. Meqë jeni lajmëruar herët dhe po përballoni dhe shiun. Është një telenovelë, që është e gjykuar nja dy herë, dhe është rihapur për rastin konkret në dhjetor të 2029 nga një kallëzues i rremë që është dënuar dy herë nga gjykata për shpifje dhe për dhunë në familje. Faleminderit”, tha Meta.
Paraqitja e Metës para prokurorëve të posaçëm vjen vetëm një ditë pasi ish-këshilltari i tij në Presidencë, Ilir Kulla qëndroi për më shumë se dy orë në këtë prokurori.
Teksa doli nga SPAK, Kulla u shpreh se në SPAK ka dhënë dëshmi për disa rrethana, por nuk zbuloi më tepër detaje për shkak të “sekretit hetimor”. “Dhashë dëshmi për disa rrethana. Nuk mund të bëj publike asgjë për shkak të sekretit hetimor”, ka thënë ai.
