Ishte Halloween kështu që në SHBA mund të shihje njerëz në rrugë me thika të mëdha, sigurisht artificiale. Ose të paktën në shumicën e rasteve, sepse një person kishte në dorë një thikë të vërtetë me të cilën sulmoi një burrë përpara makinës.
Por shënjestara qëlloi e gabuar për fatin e keq të agresorin, pasi personi i përzgjedhur qëlloi të ishte një ish-luftëtar i MMA-së Havier Baez.
Siç shkruan “New York Post”, sulmuesi quhet Omar Marrero (50 vjeç), dhe ai goditi xhamin e derës së shoferit dhe u përpoq të futej në makinë kur Baez ishte ulur brenda, dhe luftëtari MMA doli nga makina dhe u përpoq për të qetësuar situatën. Megjithatë, ai nuk ia doli.
“Një burrë bërtiste në telefon duke debatuar me një grua. Më trokiti në xhamin e makinës dhe i thashë të më linte të qetë dhe ai u kthye me thikë. I thashë sërish të më linte të qetë, thirra policinë dhe shpresoja të mos më thyente dritaren. Kjo është e vetmja gjë për të cilën po mendoja”, u shpreh Baez.
Marrero tentoi ta sulmonte me thikë, por nuk ia doli pasi përfundoi me shpejtësi në tokë.
“Kur stërvitesh kaq shumë, të bëhet refleks. Nuk më duhej të bëja gjë tjetër veçse të reagoja, ishte instinktive. Unë jam stërvitur gjatë gjithë jetës sime, kam një rrip të zi në ‘jiu-jitsu’. Kam luftuar në kolegj, kam tetë luftime profesionale dhe partnerë të shkëlqyer stërvitor”, sqaroi ish-luftëtari i MMA-së.
Ai e mbajti sulmuesin të shtrirë në tokë derisa mbërriti policia dhe u largua pa lëndime.
