Shefi i Organizimit në Partinë Demokratike, Klevis Balliu në një deklaratë nga njësia 14 në kryeqytet u shpreh se zona me mbi 70 mijë banorë nuk kanë asnjë shkollë për fëmijët.
Duke folur nga zona e re urbane e Tiranës që përfshin Astirin, Kasharin dhe Yzberishtin, Balliu u shpreh se aty ka vetëm pallate, por jo shkolla dhe i bëri thirrje SPAK-ut që të hetojë kryebashkiakun Erion Veliaj për shpërdorim fondesh.
“Veliaj çdo fushatë premton shkolla në këtë zonë, por asgjē nuk ndërtohet përveç pallateve. 70 000 banorë të ksaj zone kanë paguar taksën e infrastrukturës arsimore, por ata nuk kanë shkollë. Ku kanë shkuar paratë e tyre. SPAK të hetojë shpenzimet e Veliajt”-deklaroi Balliu në njësinë 14, në Tiranë.
