Ditën e djeshme, kryeministri Edi Rama zhvilloi një takim me homologen e tij italiane Georgia Meloni me të cilën firmosi marrëveshjen për ngritjen në Shqipëri të kampeve të refugjatëve ilegalë.
Por ditën e sotme në rrjetet sociale është paralajmëruar protesta e parë kundër marrëveshjes për strehimin e dhjetëra mijëra emigrantëve ilegalë mes Shqipërisë dhe Italisë.
Rama dhe Meloni firmosën një marrëveshje mes dy vendeve, sipas të cilës në Shqipëri do të priten në dy kampe mbi 30 mijë emigrantë ilegalë që shpëtohen në det.
Në posterin e protestës organizatorët paralajmërojnë se ky tubim mbahet kundër “kthimit të Shqipërisë në depo të vendeve të mëdha evropiane.
Protesta është paralajmëruar për ditën e enjte në orën 16:00 në sheshin përballë Kryeministrisë.
