Në studion e Fax News, u diskutua tema e marrëveshjes së kryeministrit Rama me homologen Meloni për ardhjen e migrantëve në Shqipëri.
Juristi Redon Meksi u shpreh se ata që vijnë nuk janë azilkërkues, pasi ata vijnë refugjatë klandestinë nga deti, pra akoma nuk kanë kërkuar azil dhe nuk kanë sesi.
Rama me këtë marrëveshje sipas Meksit nuk ndihmon asnjeri dhe nuk i bën nder askujt. Marrëveshja sipas tij është antiligjore dhe mund të jetë edhe vepër penale.
Redon Meksi: Hilja nuk është tek azilkërkuesit në Itali. Ata janë në det, nuk kanë kërkuar akoma azil. Nuk kanë sesi. Ti s’po ndihmon ata njerëz. Ata nisen me anije për të arritur në BE. Nuk kanë ardhur për refugjat për në Shqipëri. Nuk i bën ndonjë nder. Është presidenti ai që firmos këto marrëveshje. Aty nuk futen as policia shqiptare, as gjykatat shqiptare. Janë aludime, nuk e dimë se sa është e vërtetë. Po shikoja opozitën tani që shkruajnë në Facebook. Pse në Fb do e zgjidhësh?! Në pamje të parë është antiligjore, mund të jetë edhe vepër penale.
