Një situatë e paprecedentë ka ndodhur mesditën e kësaj të hëne jashtë ambjenteve të kryesisë së Kuvendit.
Një qytetare ka ndaluar Ish-kryeministrin Sali Berisha, teksa ky i fundit ishte duke folur para gazetarëve. Fillimisht qytetarja ka tentuar që t’i afrohet, por nuk është lejuar nga truprojat e tij. Më pas, Berisha ka kërkuar që ta lejojnë pasi mendoi se ishte gazetare, por zonjë në fjalë kërkonte sqarim për situatën politike në vend.
Pjesë nga diskutimi para kamerave:
Zonja: Nuk e di kush na përfaqëson në parlament, kemi halle. Këtu ka shkelje ligjore.
Berisha: Ajo ka një hall, unë të besoj por nuk e zgjidhim dot këtu
Zonja: Nuk di kë të takoj
Berisha: Tani çfarë të them? Shkruaj një letër…
Zonja: Ia shkruaj presidentit nuk marr përgjigje
Berisha: Unë nuk jam presidenti, jam Sali Berisha. Jam i gatshëm të shqyrtoj hallin tuaj brenda mundësive të mia… unë thashë se kishe ndonjë hall personal familjar, për këto shko futu në ndonjë parti
