Pas polemikave të fundit, ka një ndarje totale mes Mancehster United dhe Jadon Sancho. Talenti anglez prej disa javësh është vendosur në “cepin e klasës” nga trajneri Ten Hag, aq sa nuk mund të stërvitet me skuadrën dhe nuk mund të përdorë ambientet e klubit, përveç atyre të dedikuara për akademinë.
Megjithatë, tani situata është përkeqësuar më shumë, pasi sipas mediave britanike, ish-lojtari i Dortmund është hequr edhe nga grupi i Whatsapp që klubi ka, aty ku komunikojnë trajneri, stafi teknik dhe klubi me lojtarët.
Ky është një veprim që e vërteton edhe më shumë faktin që Manchester United dëshiron të heqë dortë përfundimisht nga sulmuesi anglez dhe ta shesë atë diku tjetër gjatë merkatos së janarit.
