Në orën 11:00 grupi parlamentar i PD kishte njoftuar se do të zhvillonte një mbledhje në zyrat e tyre te Kryesia e Kuvendit, takim ky që vjen një ditë pas tensioneve me gardën e cila është rreshtuar edhe ditën e sotme në hyrje të Kryesisë.
Ndërkohë, kryedemokrati Sali Berisha ka mbërritur në Kuvend dhe teksa flet për gazetarët, shprehet se akti i djeshëm regjistrohet si akti më i turpshëm në historinë e një Parlamenti, ku Rama urdhëroi Lindën e Parlamentit të mbyllë me dry dyert e Parlamentit në të cilët ata janë anëtarë dhe kanë imunitetin e tyre.
Berisha u shpreh se asgjë s’do të mund të ndalë protestën e deputetëve të opozitës, të cilët sipas tij, janë gatshëm për sakrifica të mëdha.
Berisha theksoi se mbyllja me dry e portës së Kryesisë së Kuvendit për të mos lejuar hyrjen e deputetëve të opozitës është degradim ekstrem i pushtetit.
“Asgjë s’do të mund të ndalë protestën e deputetëve të opozitës në mbrojtje gjer në sakrifica të mëdha, të të drejtave kushtetuese.
Akti i djeshëm regjistrohet si akti më i turpshëm në historinë e një Parlamenti, ku Rama urdhëroi Lindën e Parlamentit të mbyllë me dry dyert e Parlamentit në të cilët ata janë anëtarë dhe kanë imunitetin e tyre, Këto akte tregojnë degradimin ekstrem të një regjimit.”- deklaron Berisha.
