Një grua në Australi ka ndërruar jetë në mënyrë të papritur, pasi ka marrë injeksionet e substancave të dobësimit, pasi donte të binte në peshë para dasmës së bijës së saj, teksa bashkëshorti i saj i tronditur thotë se ato kontribuan në vdekjen e saj.
Viktima Trish Webster ka ndërruar jetë disa muaj para dasmës së të bijës. 56 vjeçares i rekomanduan “Ozempic” dhe më pas “Saxenda” teksa donte të dukej elegante në ditën e madhe të së bijës dhe humbi 16 kg për pesë muaj. Por shëndeti i saj mori një kthesë për më të keqen kur nisi simptomat e të vjellave, të përzierat dhe diarre.
Bashkëshorti i i saj Roy tha se Trish u shemb përdhe në shtëpi më 16 janar teksa një shkumë ngjyrë kafe i dilte nga goja.
Ai nisi t’i bënte frymëmarrje artificiale dhe e ktheu në anë, por tragjikisht ajo vdiq po atë natë.
Në çertifikatën e vdekjes ishte shkruar ‘sëmundje akute gastrointestinale’, sipas programit vendas ‘60 Minutes Australia’. Megjithse kjo nuk përcakton lidhjen me injeksionet që merrte, Roy beson se mjekimet shkaktuan vdekjen e gruas së tij.
Endokrinologia Dr Kathryn Williams tha se ka prova në rritje se përbërësi aktiv i mjekimeve si Ozempic shkakton komplikacione në tretjen. “Kur ne i rekomandojmë ato ne paralajmërojmë njerëzit. Ne u themi ‘mund të vjellësh një ose dy herë por nëse kjo vijon duhet të njoftosh dhe mjekimi duhet të ndalohet’”.
Roy tashmë kërkon hetim për vdekjen e gruas së tij duke thënë se kjo mund të parandalojë të tjera vdekje nga mjekimet e rekomanduara.
Dr Michael Camilleri, gastroenterolog në klinikën Mayo Clinic në Minnesota, SHBA, tha për rrjetin Daily Mail se vdekja e zonjës Webster është një rrëfim paralajmërimi për të gjithë ata që përdorin mjekimet e humbjes në peshë.
“Nëse pacientët nisin simptoma kronike gastrointestinale ata mund të kenë më pas komplikacione respiratore, prej kalimit te substancave ne rrugët respiratore. Ozempic ose mjekime të ngjashme që merren në këtë rast duhet të ndalohen dhe të konsultohen mjekët”.
Saxenda është e lejuar në Britani si mjekim dietik, ndërsa Ozempic përdoret për diabetin dhe jo për humbjen në peshë, shkruajnë mediat britanike. Rregullatori i mjekimeve në Britani thotë se shpesh përmbajtja e mjekimeve nuk përputhet me ingredients ne etiketë dhe kjo mund të rrezikojë shëndetin.
Autoritetet australiane po vijojnë hetimet për vdekjen e papritur.
