Një 48-vjeçar është arrestuar në Cërrik pasi akuzohet se ka nxitur një vajzë të mitur të kryejë vjedhje.
Në pranga ka rënë shtetasi me iniciale, L.D, banues në fshatin Mollas pasi dyshohet se ka shtyrë drejt vjedhjes një 11-vjeçare e cila mendohet se ka marrë 800 mijë lek dhe 550 euro brenda një banese.
“Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin L. D., 48 vjeç, banues në fshatin Mollas, për veprat penale “Shtytja e të miturit në krim” dhe “Moskallëzim i krimit”, si dhe për një shtetase 11 vjeçe, banues në fshatin Mollas, për veprën penale “Vjedhja”, pasi shtetasi L. D. dyshohet se ka nxitur 11-vjeçaren, për të vjedhur në banesën e gjyshes së saj. Nga veprimet hetimore dyshohet se kjo shtetase, gjatë një muaji, ka vjedhur rreth 800 000 lekë edhe 550 euro, në këtë banesë.”,- njofton Policia.
Vijojnë hetimet për veprime të mëtejshme proceduriale.
